Oras de chamin: 5,30
Deslivèl a la montaa: 450 m
Deslivèl a la valaa:1100 m

Lo chamin

Se salh dal país en direccion oest sus la rota D 3, en prenent qualqua escorcha fins a Sant Geniez (1100 m). Al lòng de la via, una tabèla illustra las especificitats geològicas de la Montagne de Mèlan, ente se sobrepauson de tèrras pus aiticas de l’Era terciària e de mai recentas (de marnas rossas oligocènicas, de grès miocènic). Se tracta d’un territòri que marca lo confin occidental de las Alps. Dal país se davala vèrs lo sud, en se jonhent al GR 6, que plega puei a l’oest e entorna un relèu calcari, delai dal qual se tròba la forèsta demaniala de Aigues Champs, visibla delai dal crest. S’atravèrson de dòuç valonets, pasturats da feas e chabras. Se tochon las ruaas abandonaas de Sorine e Les Naux (1077 m), puei se cala vèrs Sisteron dins un bòsc de rores, per una dralha e de pichòts tòcs d’asfalt. Se passa dins las ruaas de Le Couvent, e de La Baume. Lo viòl mena al pònt de La Baume, just denant al Rocher de La Baume, una drecha paret de calcari juràssic ric de fòxils, a jasença verticala e fortement erodut; la gola sus la Durança entre lo rochier e lo centre istòric de Sisteron es da sempre la pòrta, ben defendua da de fortificacions, de la Provença.

Minjar e durmir

Divèrsas solucions a Sisteron, ental centre istòric:

Office de Tourisme Hôtel de Ville, place de la République 1, tel. +33 (0)4 92613650, www.sisteron.fr

Hotel restaurant La Citadelle
Rue Saunerie 126, tel. +33 (0)4 92611352, www.hotel-lacitadelle.com