Oras de chamin: 6
Deslivèl a la montaa: 550 m
Deslivèl a la valaa: 1100 m

Lo chamin

S’atravèrsa lo pònt sus l’Argent-Double, se percorron Rue des Écoles e l’Avenue du Stade devèrs sud, en passant darreire la Cave Cooperative, ente se pren una rota drecha, sediment d’una ferrovia abandonaa, al metz de champs e vinhiers. La rota confluís dins la D 115, dont se percor un brèu tòc per virar súbit a drecha sus una rota que mena a la D 11. S’atravèrsa la viaper contuniar encara al metz di champs, sus una dralha que mena, chap al sud, dins una zòna boscosa. Se contúnia sus la pista que poncha al sud, en ignorant las deviacions a drecha que menon al mas de Russol e se cont´nia sal Chemin de Caunes, l’anciana via qu’anava da Caunes a Laure. Lo chamin confluís sus la D 35, que se seguís fins al vilatge de Laure, que vanta un grand centre istòric e un discret numre de cantinas. Se salh dal centre istòric chap al sud-oest sus l’Avenue de la Cave Cooperative; après 700 m, dins una zòna de cabanons, a la forcha se pren a manchina sus la D 135, puei a la forcha d’après encara a manchina sus la D 235, que mena a Rustique (124 m), que s’atravèrsa en direccion oest, en passant da cant a la bèla gleisa romànica de St-Martin de la Commanderie, embe da cant un cementieri medieval. Se percor lo Chemin de Trèbes, puei lo Chemin Vieux de Rustique que mena a Trèbes. Arribats al centre dal país e lo pònt sal Canal du Midi, se seguís la pista ciclàbila al lòng de la via d’aiga. Se percor tota la pista, en passant divèrsas clusas. A l’Écluse de l’Évêque lo percors es marcat coma GR fins al centre de Carcassona.

Minjar e durmir

A Carcassona

Chambres d’Hôtes Les Florentines
Pas luenh de la Ciutat: 71 Rue Trivalle, tel. +33 (0)4 68 71 51 07,www.lesflorentines.net

Chambres d’Hôtes Chez Flo
65 Rue Trivalle. Dins lo quartier de la Trivalle, ai pè de la Ciutat, tel. +33 (0)4 68 25 40 44,http://cyril.oberhoffer.neuf.fr 

Ospitalità pellegrina Notre Dame de l’Abbaye
103 Rue Trivalle. Ai pè de la Ciutat, chambras individualas embe o sensa servicis, durmitòris; embe servici de restauracion, sempre dubèrt;
tel. +33 (0)4 68 25 16 65, www.abbaye-carcassonne.com

Auberge de Jeunesse Saveurs du sud
Dins la Ciutat, Rue Trencavel, sempre dubèrt, embe servici de restauracion e usatge cusina, tel. +33 (0)4 68 25 23 16

Divèrsas solucions de restauracion e lotjament en vila.

Office de tourisme de Carcassonne,
28 rue de Verdun, tel. +33 (0)4 68 10 24 30.