Oras de chamin: 7
Deslivèl a la montaa: 500 m
Deslivèl a la valaa: 500 m

Lo chamin

Se salh dal país en percorrent lo pònt sus lo Cesse e se seguís la rota D 10 E1, que costeja las gòrjas dal Cesse. Da notar lhi arcs naturals que lo torrent a chavat dins lo calcari, a las pòrtas de Menèrba. La via consent de s’esguinchar sus las belíssimas gòrjas calcàrias, eriçaas de pinacles e de bauç e embe sal fons lo liech eissuch dal torrent. Ai cants de la via aumenton las vinhas. Lo chamin mena enfins sus la D 182, que se seguís per 700 m, per prene a drecha una pista ben marcaa qu’atravèrsa lo planòl dins la garriga e s’apròcha mai a la broa des gòrjas. A las forchas mai importantas se ten la drecha, en restant sempre sus la broa dal planòl. Lo chamin torna encara un bòt sus la D 182 (430 m), que se seguís chap a l’oest per autri 700 mètres. A la forcha se vai a manchina e se contúnia súbit drech al premier quadrivi; al second qu’adrivi(399 m) se vai a manchina sus la dralha ben marcaa al metz de la garriga e de culturas espanteaas. Se sòrt sus la D 12, quese pren a manchina, puei se vai súbit a drecha a la forcha, ente se tròba l’Oratorie de ST-Benoit. Se seguís la via asfaltaa fins a Félines-Minervois (159 m), d’aüra enlai en planura. S’atravèrsa lo vilatge e a l’oest se pren la Rue de Brama. A una crosiera se seguís la rota chap a l’oest e rejonh lo bòsc de Jarreloup. A l’òrle d’aqueste se tròba una pista que poncha en direccion sud-oest. Se manten aquela dirreccion, en gnorant divèrsas forchas fins a la Chapelle de St- Roch ( 156 m) ente se via vèr lo sus la rota que dins gaire mena a l’abitat de Trausse (152 m), que s’atravèrsa e se laissa chap al sud-oest embe Rue de Laprade. A la premiera forcha se vaia drecha sus la via que plega vèrs l’oest e atravèrsa lo pònt dal riu dal Cros, puei se contúnia en direccion nòrd-est, en anant drechs a las divèrsas forchas fins a le Vivier. Darreire la maison la pista davala dins lo franc-bòrd dal riu Argent-Double per s’engatjar dins una rota asfaltaa a las pòrtas de Caunes.

Minjar e durmir

A Caunes

Gîte d’étape Le Relais Saint-Genès
En país: 12, avenue du Minervois, embe la possibilitat de restauracion sus reservacion, tel. +33 (0)4 68 78 02 81, www.gite-minervois.com

Diferentas solucions de restauracion e lotjament al vilatge.
Office de tourisme de Caunes Minervois,
Place de l’Église, tel. +33 (0)4 68 78 09 44