Oras de chamin: 6,30
Deslivèl a la montaa: 950 m
Deslivèl a la valaa: 70 m

Lo chamin

Lo GR 77 laissa lo vilatge chap al sud, delai dal pònt sal Jaur e darreire lo campatge comunal, sus una pists forestala que monta al Col du Poirier(520 m) e a la chapèla de Nôtre-Dame de Trédos, dins un ambient mai dubèrt, ente s’arriba embe una via crucis. La chapèla, sensa de particularas actractivas, es dotaa d’un pichòt refugi fòrt espartan. Se contúnia sus un encroseament de viòls e pistas forestalas, sempre en autituda embe un tòc sus un crest, per puei davalar a Rodomouls (551 m). Se rejonh embe una via drecha asfaltaa la rota D612, que se passa en fasent atencion. Se remonta, d’abòrd al metz de culturas, puei dins la forèsta, fins al Col des Deux Aires (654 m). Embe un tòc d’asfalt sus la D 176 E 6 s’arriba a Pardalhan (551 m). Se contúnia vèrs l’oest dal país, en croseant en mai de miras la via asfaltaa e en tochant las ruaas de Pez (558 m) e Copujol (611 m), dins un ambient mediterran e pastoral, embe un baron de tropèls e de cavals en pastura. Arribats al Col de Lalo (628 m) se laissa lo GR e s’engatja sal chamin de crest que poncha vèrs l’oest e rejonh en a pauc près 2,5 km Riussec.

Minjar e durmir

A Riussec

Gîte Res’Cousses
Aculhís 12 personas, embe usatge cusina, per de setmanas o de fin de setmana, tel. +33 (0)4 67 97 15 12.

En país lhi a pas d’alternativa a lhi apartaments en afit, per de periòdes setmanals. Contactar per de majoras informacions la Comuna de Riussec, tel. +33 (0)4 67 97 01 96

A Pardailhac:

Gîte d’étape de la Garrigue
En país, dubèrt tot l’an, embe restauracion sus reservacion, tel. +33 (0)4 67 97 06 79