Oras de chamin: 6
Deslivèl a la montaa: 550 m
Deslivèl a la valaa: 1100 m

Lo chamin

Lo percors dal GR 71 atravèrsa lo pònt sus l’Agot a l’est dal país, puei la valada dal riu d’Escandes sal versant orogràfic manchin, dins un bèl contèxt agrèst. Al Col de Fontfroide se sòrt sus la D 14 e d’aquí se rejónh lo GR 7 qu’atraversa la forèsta demaniala dal Somail, ente s’altèrnon de parcèlas rembosquias e d’autras subjèctas a de talhs radicals, embe de tronc ben alinhats e prompts al transpòrt. Se seguisson las marcas dal GR 7, qu’ajuon dins l’embruelh de pistas forestalas, fins al Col de la Pinchinière, puei se rejonh e se costeja lo lac de Vezoles. Delai de la diga (965 m) se percor lo GR 77 per s’esguinchar sal Saut de Vezoles. Lo viòl davala resut dins la gòrja, en passant mai de bòts lo riu Bureau, e per una bèla mulatiera rejonh Langlade (465 m). Passa la centrala eléctrica, ente arriba una conducha forçaa dal lac, lo percors monta mai dins la garriga a trapar una pista qu’environa lo relièu de Le brugas, per puei calar subitament a revincs fins a Premian.

Minjar e durmir

A Premian

Gîte communal e camping Les terrasses du Jaur
Delai dal pònt sal Jaur, 16 plaças, embe usatge cusina, dubèrt tot l’an, tel. +33 (0)4 67 97 06 40.

Bar restaurant L’Esclops
Sus la Grand Rueal lòng dal flum, a l’oest dal vilatge, tel. +33 (0)4 67 97 18 19.

D’autras possibilitats de restauracion e lotjament en país.
Mairie de Prémian,
tel. +33 (0)4 67 97 06 40.