Oras de chamin: 5
Deslivèl a la montaa: 400 m
Deslivèl a la valaa: 500 m

Lo chamin

Se contúnia lo chamin al sud de Murat, en passant a l’est des ruaas de le Bosquet, la Pise, Le Couvent Vieux e en anant trapar lo GR 653, que percor un brèu tròç de la rota D 162 e atravèrsa l’abitat de Candoubre e La Capelané; pueiseguís a mesa còsta la valada de la Vèbre sus una pista forestala, fins a s’esguinchar sal lac de Laouzas e lo costrejar per a pauc près 2,5 km. Laissat lo GR 653 al lòng dal lac, s’arriba a la forcha sus la D 162C a 822 mètres. Aicí se monta sal percors marcat en dreccion sud, en passant da cant a un menhir e en entornant lo Mont Lébrousse. Lo percors es esquasi tot dins la forèsta, characterizaa da un baron de talhs e rembosquiments. Se sort sus la D 169, delai de la quala se pren una pista que contúnia chap a l’oest. A la forcha d’après se vai a manchina e súbit après a drecha sus la pista que ten lo sud-est dins un ambient menc boscós, en restant sus la manchina a la forcha successiva. Lo percors se ten a manchina de la maison isolaa de Jongran e mena sus la rota per Le Pioch, entre se tròbon las marcas dal GR 71. A la forcha, ente se tròba un mehnir, se vai a manchina e passaa la ruaa se pren un chamin que, ben ombrejat da de baranhas, mena a Fraisse d’Agot.

Minjar e durmir

A Fraisse d’Agot

Gîte communal de Fraïsse-sur-Agôut
Al bòrd oriental dal país, ofrís d’apartaments indipendents, tel. +33 (0)4 67 97 52 26, (0)4 67 97 61 14.

Auberge de l’Espinouse
Embe restaurant, 7, Allée des Frênes, tel. +33 (0)4 67 95 40 46.