Oras de chamin: 6,30
Deslivèl a la montaa: 1000 m
Deslivèl a la valaa: 550 m

Lo chamin

Da la Place du Pont Vieux se seguís la D 902 chap al sud per 5,2 km fins a Ouyre (422 m), dins la bèla valada agrícola de la Dourdou; da notar l’emprèsa agrícola de Laur, una des pus gròssas de la zòna. Da Ouyre se rejonh la gleisa de la ruaa. Darreire l’edifici se tròba una vielha mulatiera que monta sus la manchina orogràfica dal riu de Ladous fins a la ruaa de Ouyre Haute. Se passa lo pònt e se contúnia a montar al delai des darrieras maisons sus la dralha, que se laissa après 400 m environ per prene una pista que monta a revincs fins a una sèla sal crest, d’ente se contúnia a drecha a la cima de Fontanelles (1014 m), en passant dessot las tors d’un grand emplantament eòlic. Embe de monta-cala s’arriba a la cima dal Merdelou (1110 m) ente se tròba un mirador embe d’indicacions sus las montanhas visiblas: lhi Pirenèus, lhi Causses, la Cevènas. Se cala da la cea en contuniant drech, chap a l’oest, après la darriera pala eòlica. La dralha percor d’abòrd una zòna rembosquia. A la premiera forcha se vai a manchina sus l’esterraa qu’ un pauc a virs cala a la via asfaltaa de servici per Mas de Brau, que se seguís a drecha per 600 m. Al quadrivi se seguís la dralha a manchina, chap al sud-oest. Se chamina dins un contèxt agrícol colinar, sensa insediaments. Se seguisson de pasturas clausuraas per las vachas, interrompuas masque da d’autas baranhas e de filars d’àrbols brisa-vent. La dralha es ombrejaa e abricaa da de baranhas d’agrèvol, albespin e d’autras essenças espontàneas, mirablament soanhaas. A la forcha a 884 m se vai a manchina fins a rejónher una via bordaa d’àrbols en localitat Le Vivier(888 m), que se seguís a drecha per 800 m, per prene a drecha un chamin bordat d’àrbols. La forcha a 917 m se vai a drecha, puei súbit a manchina. Se contúnia drech, chap al sud-oest, al successiu croseament de chamins (947 m), per trobar una via que mena a la ruaa de Gabaude (923 m). En tenent la mesma direccion s’arriba a la D169, que se seguís per un brèu tòc vèrs l’oest, per prene la premiera dralha a manchina. A la forcha d’après se vai a drecha per seguir un percors de crest que poncha decisament vèrs lo sud e a la fin vèrs l’oest, per s’engatjar dins la D 169, que se percor per un toquet. A la seconda forcha se monta a manchina per trapar una via parallèla que mena a Murat. 

Minjar e durmir

A Murat

Gîte communal de Murat-sur-Vèbre
Embe un campatge derant a la Comuna, tel. +33 (0)5 63 37 47 47.

Accueil pélerin Gîte d’étape des Menhirs
+33 (0)5 63 37 51 20.

D’autras possibilitats de restauracion e lotjament al vilatge
Syndicat d’initiative de Murat-sur-Vèbres
Place de la Mairie, tel. +33 (0)5 63 37 47 47