Oras de chamin: 4,30
Deslivèl a la montaa: 400 m
Deslivèl a la valaa: 650 m

Lo chamin

Se salh da montanhòl chap al sud-oest, sus la rota D 16. Après 600 m, se vai a drecha sus un’esterraa que rejonh après pauc mai de 1 km un’autra rota asfaltaa, que se seguís a gaucha per a pauc près 500 m. Pauc derant qu’aquesta rota s’engatge dins la D 16, a drecha se tròba una pista que costeja un champ, intra dins lo bòsc e dins gaire arriba a Carrière Escure (554 m). D’aicí se seguís la via asfaltaa lo lòng dal riu d’Escure fins a Rigal (469 m). Encara sus asfalt (D 540) s’arriba a Silvanès, en vista de la bèla abaïa romànica-gòtica. Da Silvanès se seguís la rota asfaltaa D 540 en direccion sud-oest, a la reonda se vai a drecha sus la D 10 fins a la forcha a 477 m, ente se vai a manchina, puei súbit a drecha, en seguent la via fins a la forcha a 551 m, ente se tròba lo grand mas de Gaillac. Aicí se vai a manchina e se seguís la via asfaltaa fins a Ramondedieu, ente se tròba un’autre grand mas. Passat aqueste, al vòut se pren l’esterraa chap al sud, que plega puei decisament vèrs l’oest. S’intercèpta, en virant a drecha, un pauc mai al nòrd, una esterraa que remonta lo bas crinal dal Bois Grand. Arribats al som de la còla (657 m environ) se cala a una sèla a 628 m e aicí, al bòrd d’una cultura, se cala chap al nòrd a trapar l’esterraa de servici per Les Pradels, que se seguís sensa pas mai d’inconvenients fins a la part auta de Camarès, d’ente se cala al país alinhat al lòng dal riu Dordou.

Minjar e durmir

A Camarès

Gîte Le Chateau du Rougier
Gròs complèx environat da un grand parc, es dotat d’aubèrge, d’ostal de tapa, campatge e restaurant. Al nòrd dal país. 19, avenue de St-Affrique. tel. +33 (0)5 65 99 59 36, www.chateaudurougier.com

D’autras possibilitats de restauracion e lotjament a Camarès.
Syndicat d’initiative des 3 vallées
9, Grand Rue, Camarès, tel. +33 (0)5 65 49 53 76