Oras de chamin: 8,30
Deslivèl a la montaa: 750 m
Deslivèl a la valaa: 900 m

Lo chamin

A l’oest dal borg murat, se pren la rota D 55, que se laissa après 500 m environ per contuniar sal Causse. Se passa dessot l’autostrada A 75 pauc derant de l’abitat de La Pezade, puei se tocha Canals (660 m), al metz de bèls pasturals, al còr dal Parc Naturel Regional des Grandes Causses. Lo GR 71 rejonh Le Mas Reynal (748 m) e lo Pas de Tirecul (804 m). Se laissa l’itinerari marcat, que contúnia chap al nòrd, per virar chap al sud-oest sus de pistas dins la garriga fins al Jas de Peyre, un ovil ente se pòl trobar d’aiga dins una cistèrna a brèva distança al metz di àrbols, derant a la maison. Da l’ovil se contúnia vèrs l’oest fins al Pas Farrat (796 m) e d’aicí se davala dal planòl fins a s’engatjar dins una via esterraa a 687 mètres. Se seguís la via chap al sud per trobar, environ 500 mètres après, la carrossabla D 93 que mena a Tournadous (642 m). Sortits dal país, après 300 mètres, al quadrivi se pren a drecha sus la seconda via que poncha decisament vèrs l’oest. Se vai a drecha a la forcha a 688 mètres e passat un pilon Télécom se monta al viòl de crest que rejonh la Serre Pountchut (752 m). Sempre en seguent lo crest sus de traças indefinias, puei pus marcaas, s’arriba al quadrivi a 713 m, ente se cala a manchina dins la forèsta demaniala de Montpaon. Se seguís la pista que fai un vir tortuós, en seguent sempre lo traçat principal a las divèrsas forchas. Sortits da la forèsta demaniala (rembosquiments), a un quadrivi se contúnia drecha a las doas forchas d’après encara a drecha, vèrs lo nòrd-oest, puei decisament vèrs l’oest. Se tocha la maison La Joncasse, puei se davala sal viòl al fons de la valada dal bealet La Dagou fins a pauc derant des maisons de Laval. Se monta a drecha per un viòl dins lo bòsc que rejonh lo planòl, ente se tròba una pista pus marcaa al metz di champs, que se seguís chap a l’oest fins a Le Mas de Salel e puei a Montanhòl.

Minjar e durmir

A Montanhòl

B&B Le Mas de Salel
Sal chamin, a 1 km da Montanhòl, se tròba un bèl edifici rural dal sècle XVIII. Embe un servici de restauracion, 20 plaças, tel. +33 (0)5 45 97 55 45.

Comuna de Montanhòl,
tel. +33 (0)5 65 49 59 19

Syndicat d’initiative des 3 
vallées 9, Grand Rue, Camarès, tel. +33 (0)5 65 49 53 76.