Oras de chamin: 5,30
Deslivèl a la montaa: 650 m
Deslivèl a la valaa: 350 m

Lo chamin

Da Vissec se contúnia al lòng dal cors de la Vis fins a la confluença dal torrent Virenque, el tanben soterran. D’aquí se monta sal Causse dal Larzac, já mai sal planòl càrsic aicí pontilhat de dolinas, dichas “soch”dins l’occitan dal pòst, en passant per lo soch de Roubert. Se tocha lo vilatge de Ville Vieille (693 m) e d‘aquí se contúnia vèrs Sorbs, ente se laissa lo GR de Pays per seguir a drecha la via asfaltaa per Le Plo de Vernet. S’avança vèrs lo nòrd-oest sus de chamins dins la garriga unifòrma fins a trapar la rota D 142, que se seguís chap al nòrd dirècts a Le Luc, un tot pichòt vilatge que fins al començament dal sècle XX foguet un reformatòri per minors. Après un parelh de quilomètres sus la D 273 se seguís lo GR 71, que vira vèrs l’oest per calar un bòt mai dins las gòrjas de la Virenque, dins un ambient úmid e boscós. Se remonta sal planòl, en arribant a las pòrtas de La Cobertoirada. Pau derant dal portal d’intrada se tròba una “lavanha”, un ample cròs dal terren calatat de peiras. Embe las plueias primaverilas e autonalas deven una resèrva d’aiga per abeurar las bèstias.

Minjar e durmir

A La Cobertoirada

Gîte de la Cité
Dins la citadèla medievala, se tròba dins l’ancian presbitèri, dubèrt d’abril a otobre, 16 plaças. Dejunar e cina son servits dins la sala dal sècle XV. tel. +33 (0)5 65 58 17 75 oppure (0)6 01 81 94 18, www.gitedelacite.com

D’autras possibilitats de restauracion e lotjament al vilatge.
Service tourisme de La Couvertoirade,
près de la Comuna, tel. +33 (0)5 65 58 55 59, www.lacouvertoirade.com