Oras de chamin: 7,30
Deslivèl a la montaa: 1050 m
Deslivèl a la valaa: 850 m

Lo chamin

Se laissa Lo Vigan chap al sud, al lòng dal Chemin de la Rivière que costeja l’Arre. Passat lo pònt, se contúnia sus la rota per Avèze (247 m). Delai dal país lo GR 7 monta drech sal planòl càrsic dal Causse de Blandas. Lo percors seguís de dralhas per las pasturas, dont chal sempre sarrar lhi cancèls, en se prenent garda di chans pastor di Pirenèus que sorvelhon lhi tropèls de feas. Se passa al bòrd de l’abitat de Montardier (610 m), per tochar lo chastèl isolat de Assas e, al bòrd dal vilatge de Blandas, én s’engatja dins la carroçabla D 158, per puei prene lo chamin que mena a la D 713, que dona sus las espectacularas gòrjas de la Vis (612 m). Se seguís la rota per un brèu tòc, per puei prene la bèla mulatiera que mena al fons des gorjas e a l’abitat de Navacelles. Dal país se contúbia sal viòl que costeja la Vis sal siu versant orogràfic drech fins al molin de la Foux (358 m). Lo percors contúnia dins la Valada de la Vis, al metz d’impausants bauç calcaris, e monta fins al vilatge de Vissec. La darriera part dal viòl es equipaa de tabèlas botànicas sus la flòra e la fauna de la valada.

Minjar e durmir

A Vissec

Aire naturelle de Vissec
Per d’informacions sus la possibilitat de durmir a Vissec, contactar la Comuna, tel. +33 (0)4 67 81 50 58.