Oras de chamin: 8
Deslivèl a la montaa: 650 m
Deslivèl a la valaa: 1200 m

Lo chamin

Lo GR 67 laissa la rota D983 vèrs l’oest dal vilatge per montar e entornar lo truc boschassut de la Can Noire e contúniar puei sal crinal fins a arribar sus la rota de la Corniche, embe la quala se rejonh l’Hospitalet. Da la ruaa se contúnia sal traçat d’una antica dralha que vai sal crinal, dins un ambient de granda beltat embe de prats e pasturas encenchaas e de bestiam. Delai dal Col Salidès (1014 m), se seguís una pista forestala e un percors equèstre fins a Aïre-de-Cote (1089), ente se tròba un jaç equèstre. Lo percors s’esguincha sus la Vallée Borgne, caracterizaa da drechs versants boscós embe d’afloraments de gneiss. S’atravèrson de chastanhiers embe d’àrbols monumentals, puei un ambient pus mediterran , embe d’èuses e de garriga bassa, man a man que se se davala a Valerauga.

Minjar e durmir

A Valerauga

Gîte Le Cagnel
A l’oest dal país,sus la via principala (D 986), embe restauracion sus reservacion, dubèrt d’abril a novembre, 32 plaças, tel. +33 (0)4 67 82 24 12.

Office de Tourisme de Vallerougue – Mont Aigoual, 
Quartiers des Hortes , Vallerougue, tel. +33 (0)4 67 82 25 10, www.aigoual-cevennes.com.