Lo chamin

Se seguís la D 097 que salh al sud dal país fins al Pont de Barre, sal Tarnon. S’atravèrsa lo riu e se monta per una mulatiera a La Rouvière (775 m), ruaa que pren lo nom dai rores, dont se veon d’exemplars monumentals. Se contúnia en poant encara fins a Tardonneche (800 m), que garda encara lo forn comunal e l’escòla, en mai que d’innombrablas maisons laissaas a l’abandon, aflancaas d’aquelas restructuraas de neo-residents. Se monta encara fins a arribar sus una via asfaltaa que mena al Col du Rey (987 m). Se contúnia vèrs l’est, en prenent pauc al delai lo viòl que, dins un ambient agrèst, al metz de prats clausurats, mena a Barra des Cevènas.