Oras de chamin: 3
Deslivèl a la montaa: 150 m
Deslivèl a la valaa: 100 m

Lo chamin

S’atravèrsa lo pònt sal Tarn, en avançant chap al sud, e se monta sus la drecha mulatiera panoràmica sal país. Embe de monta-cala, s’atravèrsa la Cham de l’Hermet, un vast planòl destinat a pastura, ente se tochon las roïnas de qualqui vielhs mas, dont un embe de rèstas dal cubèrt en palha de sèel. Dal Pont de Fiarouse (1036) se seguís l’asfalt fins a Cham Long de Bougès (1089 m). D’aquí s’afronta la drecha montaa dins la forèsta fins al Col des Trois Fayards. Se poa sus la cresta cubèrta de prats fins al Signal de Bougès, ente menon lo chamin d’omenets de peira e d’abrics semicirulars de peira consenton de se parar da l’aura. Se percor lo lòng crest pradenc, frequentat da tropèls de feas, fins al Col du Sapet (1080 m), ente se tròba un menhir. Se contínua enfin al pònt sal tarn, delai dal qual se costeja lo riu sus la drecha orogràfica, en vista de l’abitat de Bédouès (588 m). Passat mai lo pònt sal Tarn, se percor un brèu tòc de la rota N 106 per intrar dins la vila de Florac.

Minjar e durmir

A Florac

Gîte communal de Florac
En rue du Four, embe usatge cusina e de repast sus reservacion, sempre dubèrt, 29 plaças, 29 posti, tel. +33 (0)4 66 45 23 98.

Centre d’Accueil Cévennes
Centre vacanças embe una palèstra de ròcha e d’autras attraccions esportivas, embe usatge cusina e restauracion sus demanda; 1 Place du Saguenay, tel. +33 (0)4 66 45 23 98

D’autras possibilitats de restauracion e lotjament en país: Office de Tourisme de Florac, 33 Avenue J. Monestier, tel. +33 (0)4 66 45 01 14.