Oras de chamin: 4,30
Deslivèl a la montaa: 650 m
Deslivèl a la valaa: 850 m

Lo chamin

Se monta já mai fins al Col Santel (tapa 26), d’ente lo GR 70, dedicat al chamin de Stevenson (ve lo box), seguís un’antica dralha dal Lengadòc. Se monta putòst drech dins la forèsta, per sortir sus lhi espacis dubèrts, delai de la limita de la vegetacion, a l’estacion d’esquí de Bleymard-Mont Lozère (1416 m). Pauc derant dal còl, embe una brèva deviadura se poa a l’ampla dorsala dal Sommet de Finiels (1699 m), cima dal Mont Lozèra). Tornats al còl, se cala per un viòl dins la forèsta vèrs Finiels (1221 m), ruaa rurala ente se tròba un molin embe lo cubèrt de palha amont dal país e un’autre molin embe una roa orizontala al centre dal borg, ambedui alimentats da de bealieras. Lo percors dal GR 70 per Pont de Montvèrd contúnia dins una complèxa trama de pistas e de viòls, en fasa de traçadura (istat dal 2008), per evitar un tòc de via asfaltaa.

Minjar e durmir

A Pont de Montvèrd

Gîte communal Maison du Mont Lozère
Amont dal país, embe usatge cusina, sarrat a desembre e genoier, 35 plaças, tel. +33 (0)4 66 45 80 10.

Restaurant La Truite Enchantée
Sus la rta principala, dubèrt a cina da la meitat de març a la fin d’otobre. tel. +33 (0)4 66 45 80 03.

D’autras possibilitats de restauracion e lotjament en país.
Office de Tourisme des Cévennes au mont Lozère,
Le Quai, Le-Pont-de-Montvert, tel. +33 (0)4 66 45 81 94