Oras de chamin: 7
Deslivèl a la montaa: 1300 m
Deslivèl a la valaa: 900 m

Lo chamin

Se laissa lo centre de les Vans chap al sud, en prenent lo Chemin des Fours que monta dins lo bòsc raire, puei al metz de cultivacions. Ben fito la vegetacion mediterrana laissa la plaça al chastanhier: Les Vans es exactament la frontiera entre sòls calcaris e micascistes, gneiss e granits des Cevènas. La bòina entre l’olivier e lo chastanhier es mai que mai net. Lo GR 44 monta, en croseant la rota asfaltaa en mai de miras, fins a la ruaa de Brahic. Da brahic lo GR 44 poa al crest panoràmic de la Serre de Barre, en alternant de tòcs de pista forestala e de viòl. S’atravèrsa puei la forèsta demaniala de Mas de l’Ayre en tochant un pauc de ruaas de campanha embe d’estables, de prats, de clausuras e de murs a sec. Se tochon Liquemiailles (803 m) e Mas de l’Ayre (846 m). Sempre per una pista forestala se rejonh lo vilatge de Vilafòrt.

Minjar e durmir

A Vilafòrt

Gîte communal Les Sédariès
Avenue des Cévennes, al marge merisdional dal país, dins un gròs complèx de vacanças, embe usatge cusina e servici de restauracion sus reservacion. tel. +33 (0)4 66 46 25 20.

D’autras possibilitats de restauracion e lotjament en país.
Office de Tourisme de Villefort,
rue de l’Église, tel. +33 (0)4 46 66 87 30.