Oras de chamin: 4
Deslivèl a la montaa: 200 m
Deslivèl a la valaa: 100 m

Lo chamin

Se salh vèrs l’oest de Comps per atraversar d’aquí a un moment la linha ferroviària abandonaa e la rota D 111. Dins un ambient rural se tochon lhi abitats de Les Lèbres (121 m) e Berrias (123 m). Se salh al nòrd de l’abitat de Berrias per atraversar lo planòl càrsic, dont ai bòrds apareisson ben fito las espetacularas gòrjas dal Chassezac, afluent de l’Ardècha. Passaa la rota D 252 se percor lo viòl de la Corniche a extraplomb sus las gòrjas e vinca tant expausat, mas sensa dificultats, a part l’asperitat de las ròchas. En mai d’aquò lo viòl balcon es ben frequentat. Lo chamin s’elunha dai bauç per s’enfonzar dins lo bòsc. Lo chamin contúnia dins un ambient mai agrèst, entre de murs a sec, de pichòtas culturas e de bòscs fins a Les Vans.

Minjar e durmir

A Les Vans

Hotel Le Vivarais
Dins lo centre dal país, en Route du Vivarais, ofrís 19 plaças embe un servici de restauracion. tel. +33 (0)4 75 37 22 73.

D’autras possibilitats de restauracion e lotjament en país.
Office de Tourisme Pays des Vans,
Place Léopold Ollier, les Vans, tel. +33 (0)4 75 37 24 48