Oras de chamin: 6
Deslivèl a la montaa: 550 m
Deslivèl a la valaa: 650 m

Lo chamin

Lo GR contúnia encara al metz de bòscs mediterrans d’èuses e de rores, en croseant, a Vausevières, lo liech mòrt d’un torrent. S’atravèrson de vinhals que da temp an remplaçat la cultivacion de l’amorier. Passat Salavas, lo chamin s’esguincha vinca tant sus l’Ardècha e sus la riba opausaa, intensament cultivaa a l’entorn dal vilatge de Les Mazas, e ben diferenta da lhi ambients de la Serre Mejol e Le Peyrerol qu’afronta lo percors: lo viòl balcon, ben panoràmic, atravèrsa de resuas bancadas calcàrias que calon vèrs la valada de l’Ardècha, cubèrtas da un’àrida garriga. Lo GR devia vèrs lo sud-oest per s’enfonsar já mai dins la forèsta e nos menar dins l’embruelh de pistas forestalas. Al lòng dal fàcil chamin, o pas ben luenh, se tròbon divèrs dolmen. Pauc delai de la chapèla lo percors monta a las roïnas de Le Chastelas (276 m), un ponch panoràmic sal vilatge de Grospierres e sas ruaas. Se contúnia en seguent la bealiera que pòrta l’aiga dal riu al molin de la ruaa, abitaa fins dal començament dal sècle XX. Mai enlai lo contèxt se fai mai rural fins al minúscul vilatge de Comps.

Minjar e durmir 

A Comps

Gîte D’étape de Comps
Dins lo centre istòric, dins una maison anciana e rústica. Ofrís 24 plaças embe la cusina; prevei pas de repast. tel. +33 (0)4 75 39 00 19.

D’autras possibilitats de restauracion e lotjament al vilatge:
Office de Tourisme des Gorges de l’Ardèche
Place de l’Ancienne Gare, B.P. 5, Vallon-Pont-d’Arc, tel. +33 (0)4 75 88 04 01