Oras de chamin: 5
Deslivèl a la montaa: 400 m
Deslivèl a la valaa: 250 m

Lo chamin

Lo percors salh al nòrd dal vilatge e s’enfonza d’abòrd dins un ambient mediterran. Una forèsta d’èuses s’estend a l’avalia sus d’àrids sòls càrsics, alternaa da d’esclarzaas mai secharosas. Las marcas ajuon a se desbrolhar dins lo malhum de pistas forestalas que atravèrsa lo Bois de Laval. Lo territòri es ric de dolmen e menhir, de costuma senhalats e rejonhibles embe de cortas deviacions dal percors. Aqueste es un percors de bèl far e adapt a tuchi, mas de segur menc interessant d’aquel que percor la riba orogràfica gaucha des gòrjas de l’Ardècha. Pasmens aqueste itinerari presenta de dificultats técnicas ren indiferentas e es un pauc pus lòng. En tot cas es possible percorre un viòl que se ten sal versant orogràfic drech, en fòraviant dal GR 4 en correspondença dal quadrivi a la localitat d’Aven (avenc) des Ingrantières. Lo percors torna mai sal GR 4 environ 2,5 quilomètres après, mas embe un eslonja ren indiferenta e almenc 350 mètres de deslivèl a la calaa e en remontaa. Lo percors sal versant orogràfic manchin consent de rintrar sal GR ben mai anant, a Mas de Serret, mas prevei un gad dal flum. Da Mas de Serret (260 m) lo GR contúnia dins la forèsta fins a Les Crottes (260 m), ente se tròba un pichòt sacrari dedicat a la resistença, que recòrda la represalha nazista sus la populacion civila lo 3 de març dal 1944. Se contúnia dins un ambient rural fins a La Bastida lo Virac.

Minjar e durmir

A Labastida lo Virac:

Gîte rural Le mas de la gazelle
A l’intrada dal vilatge, tel. +33 (0)4 75 64 70 70

Gîte rural Elisabeth Peschier
Al centre dal país, tel. +33 (0)4 75 64 70 70

La petite auberge, Restaurant
Tel. +33 (0)4 75 38 61 94

Au vieux porche Restaurant embe de chambras
tel. +33 (0)4 75 38 66 97

D’autras possibilitats de restauracion e lotjament dins lo centre istòric e dins lhi environs .
Office de Tourisme des Gorges de l’Ardèche
Place de l’Ancienne Gare, B.P. 5, Vallon-Pont-d’Arc, tel. +33 (0)4 75 88 04 01