Oras de chamin: 3
Deslivèl a la montaa: 150 m
Deslivèl a la valaa: 100 m

Lo chamin

Lo GR 4 sòrt da Pont Sant Esperit chap al nòrd-oest, tot sus rota asfaltaa, dins la campanha cultivaa de la valada dal Ròse. En seguent lo Chemin du Calvaire, puei lo Chemin des Mines e lo Chemin des Sables, se tochon lhi abitats de Ventabren, La Sauvanne e le Pigeonnier. Se passa al nòrd dal vilatge de Sat-Paulet-de-Caisson, pauc delai dal qual, en seguent lo Chemin de la Plane, val la pena una brèva deviacion a la chapèla rompanica de Ste-Agnès, bastia en posicion isolaa sus un pichòt truc. Sempre sus de chamin campèstres, al metz de clausuras ente pasturon de cavals e de champs cultivats, s’arriba a l’abitat de St-Julien-de-Peyrolas (142 m), situat sus una pichòta autura en posicion panoràmica. Lo percors salh a nòrd de l’abitat, percor un brèu tòc de la rota D901 e contúnia vèrs lo flum Ardècha, afluent dal Ròse. S’arriba en vista dal bèl pònt penjat de St-Martin-d’Ardèche, bastit ental 1905 apres qu’una plena roïnosa avia destruch lo pònt en peira construït masque qualqui ans derant. Lo chamin se ten a manchina dal pònt, sensa l’atraversar, sus la manchina orogràfica dal flum, de vistas espectacularas sus las golas al dessot e sal belíssim vilatge d’Aiguèza, que se rejonh embe un cort mas suggestiu viòl rochassut.

Minjar e durmir

A Aiguèza

Camping Les Cigales
A la Blanchisserie, pas luenh dal pònt suspendut. Environ 40 plaças, sempre dubèrt. Tel. 04 66 82 18 52.

D’autras possibilitat de restauracion e lotjament dins lo centre istòric.
Info point di Aiguèze: 04 66 39 26 89;

Office de Tourisme de Valcézard (Goudargues),
tel. +33 (0)4 66 82 30 02