Oras de chamin: 6,30
Deslivèl a la montaa: 550 m
Deslivèl a la valaa: 650 m

Lo chamin

Se vai prene mai lo GR de Pays – Tour des Dentelles de Montmirail al sud de la vila auta, en tornant percórrer un brèu tòc de la tapa dal jorn de derant. Se chamina vèrs l’oest, al metz des vinhas, embe un percors a mesa còsta ai pè dal Mont Mars (449 m). Pauc derant de la chapèla de St-Just se quita lo GR de Pays e se seguisson las marcas dal GR 4 que menon a la rota D977, dont se’n fai un pichòt tòc, per prene puei la D 7 fins a Roaix (167 m). Encara sus asfalt, se contúnia fins a Rasteau. Lo GR 4 contúnia vèrs lo nòrd-oest, d’en premier sus asfalt, puei entre las vinhas cultivaas sus las peiras características d’aquesti sòls calcaris e a travèrs de lusents bòscs de rores rics de bresegon e d’agrévol. Encara sus asfalt se cala vèrs Cairanne (188 m) e vèrs lo fons de la valada de l’Aygues. Lo percors contúnia a l’oest dal vilatge, a travèrs la ruaa de La Laune (129 m), puei passa l’Aygues sal pònt de la rota D 8. Se contúnia a drecha lo lòng dal flum, puei sus de dralha fins a Santa Cecila las Vinhas.

Minjar e durmir

Restaurant Hotel La Farigoule
Nel centro storico: 26, cours Maurice Trintignant, 9 chambras , sarrat a març e per 15 jorns a novembre, tel : +33 (0)4 90 30 89 89, www.lafarigoule.net

Office de tourisme 
Route de Cairanne , tel. +33 (0)4 90 30 76 53, www.sainte-cecile.org/fr/