Oras de chamin: 5
Deslivèl a la montaa: 600 m
Deslivèl a la valaa: 700 m

Lo chamin

Se laissa l’abitat de Malaucèna chap al nòrd, da la gleisa de St-Michel, en chaminant mai que tot sus de rotas asfaltaas gaire traficaas dins l’atraversament de la plana dal riu Groseau. Se seguisson l’Avenue de la Libération e puei lo Chemin de Ronin. Se percor un tot pichòt tròç de la rota D90 en correspondença d’un gròs vòut, ente se pren un chamin a drecha que mena ai pè dal relèu de Les Gippières, que se sobra al còl quotat 472 m. Se contúnia a mesa còsta dins un ambient mediterran, dins un bòsc d’èuses e d’endrechs inatendutament salvatges. Decò aicí preval lo calcari e la flòra que distinguís aquesti sòls càrsics. Se crosea la rota D 90 al Còl de la Chaine (470 m), que se laissa esquasi súbit per rejónher, tot a monta-cala, lo Pas du Loup (579 m), ente se quita lo GR 4 per lo GR de Pays-Tour des Dentelles de Montmirail, un grop montuós ben visible a l’oest. Lo percors contúnia vèrs lo nòrd-est, puei vira vèrs lo nòrd fins a se jónher al chamin qu’intra ental vilatge de Crestet (380 m), en belíssima posicion sus lo crest afilat, darrier contrafòrt des Dentèlas de Montmirail. Se cala dins la valada a l’oest dal vilatge per una pista esterra dins lo bòsc, embe una vista sus lo borg fortificat sal crinal. Se rejonh la Serre Longue (385 m), que se seguís fins a las pòrtas de Vaison, embe un darrier tòc panoràmic sus Haute-Ville, la vila auta, al metz de vinhas. S’intra dins lo labirint des charrieras calataas de la vila auta, la citat medievala, richa de fònts e de jòlias maisons restauraas. Se davala al pònt gallo-roman (I sècle ap.C.) sal flum Ouvèze, que mena a la vila bassa. Una placa recòrda l’alluvion dal 1992, quora un’onda auta 17 mètres a inondat lo pònt sensa lo dalmatjar.

Minjar e durmir

Hotel burrhus
1, Place Montfort, tel. +33 (0)4 90 36 00 11; www.burrhus.com. 38 camere arredate con opere di arte contemporanea;

Office de tourisme
Place du Chanoine Sautel B. P. 53, tel. +33 (04) 90 36 02 11, www.vaison-en-provence.com. Nombrosas solucions al país per restauracion e alotjament