Oras de chamin: 4,30
Deslivèl a la montaa: 650 m
Deslivèl a la valaa: 7500 m

Lo chamin

Lo chamin se ten tot a mesa còsta, ai pè dal Mont Ventor , tot a monta-cala. Se croseon de nombrosas combas profondament eroduas dins la ròcha calcària. L’ambient es tot mediterran: se chamina al metz de bòscs de pin d’Alèp, èuse e arbocier. Se monta asprament dins la Combe Obscure, ente tresplombon de parets calcàrias adaptas a la rampinhada esportiva. Se contúnia a poar dins la forèsta de coníferas fins a un còl, ente s’atravèrsa la rota D 974 per lo Mont Ventor. Se contúnia a la montaa sus viol fins a la chapèla de Piaud (698 m). Una drecha davalaa mena a la rota D974, que s’atravèrsa d’abòrd per la retrobar mai aval e la seguír fins al centre de Malaucèna.

A Malaucèna

Hotel l’Abri du Ventoux
19 Cours des Isnards, tel. +33 (0)4 90 65 27 08, 30, www.abriduventoux.com chambras, garatge per biscicletas, restaurant

Office de tourisme
3, Place de la Mairie, tel. +33 (0)4 90 65 22 59, www.malaucene.fr. Nombrosas solucions al país per restauracion e alotjament