Oras de chamin: 5,30
Deslivèl a la montaa: 650 m
Deslivèl a la valaa: 1000 m

Lo chamin

Se salh a l’oest dal centre istòric de Sault, se percor un brèu tròç de la rota D 942, que se quita pauc après La Loge per seguir un chamin parallèl, mas pro luenh de la rota. Se tròba mai l’asfalt passat Le Jarjalle fins a Verdolier (755 m). D’aicí lo GR monta drech en seguent de pistas forestalas dins lo lòng atraversament de la forèsta demaniala dal Ventouret. Se percor la Combe de la Font d’Anjou fins a la Fontaine de Canaud (891 m), ente se tròba la deviacion per la chapèla de ST.Jean (1044 m). Lo percors seguís lo fons ombrós de la Combe de Canaud fins a las pòrtas de Flassan. Lo lòng dal chamin s’obsèrvon de nombrosas airas charbonieras fins a après la premiera guèrra, quora lhi boscatier eron en bòna part d’italians provenients lo mai da las montanhas bergamascas. Flanquejon la comba de drechas parets de calcari, mentre sal viòl se nòton las reas laissaas dai carretons di charboniers sus la ròcha.

A Flassan

Gîte de charme Au Pied du Ventoux
Chemin de Combe de Canaud, tel. +33 (0)4 32 81 94 40, +33 (0)6 25 10 34 26, 3 chambras doblas e dui apartamentsda 2/4 plaças. Dubèrt tot l’an, embe piscina. Se tròba pas luenh dal GR 91.