Oras de chamin: 7,30
Deslivèl a la montaa: 950 m
Deslivèl a la valaa: 1200 m

Lo chamin

Da l’ostal de tapa se seguís lo percors equèstre chap a l’oest, que davala a Les Michelets. Se rejonh la rota D946. Se ne’n percor un brèu tròç en direccion de Les Omergues, per embocar la premiera dralha a maschina que rejonh las maisons de Les Chantrons e puei Les Hugues (872 m). D’aicí se monta per una pista forestala a viravòuts vèrs lo crest de la Montanha de Lura fins al Pas de Redotier (1214 m). Dal pas se seguís lo crest e panoràmic sus la valada dal Jabron d’un cant, da l’autre sal païsatge agrari dal Plateau de Vaucluse e sal Mont Ventor. Embe de contuns monta-cala, s’arriba al Pas de la Croix (1323 m). Passat lo còl e derant de la cima de Le Jambard (1413m), lo ponch mai aut de l’itinerari, se tròbon las roïnas de mai d’un jaç di pastres. Pauc delai dal som dal Jambard, lo percors equèstre davala e atravèrsa la rota D 18 per Sederon, en contuniant dins un ambient agrèst de champs cultivats o encenchats coma pastura. Se monta al Col des Sires (1284 m) e s’atravèrsa lo planòl ondulat de la Montagne d’Albion per un chamin esterrat que se seguís fins a la rota D 63, que mena embe qualqua escorcha a Barret-de-Lioure (931 m). Da la gleisa dal país se pren lo chamin que menaa las maisons de Le Terron e puei la dralha que se jonh a la rota D 542 a Le Moulin, que se seguís fins a Montbrun.

Minjar e durmir

A Montbrun

Gîte d’êtape La Villette
A tres quilomètres a l’oest dal centre istòric. A 23 plaças a durmir e un’estable per lhi cavals..
Tel. +33 (0)4 75 28 82 09, la-villette@wanadoo.fr, www.lavillettemontbrun.com

Office de tourisme
Nombrosas autras possibilitats de sejorn e de restauracione d’aubèrges, chambres d’hôtes, restaurants www.montbrunlesbainsofficedutourisme.fr

Benesser

Las tèrmas son dubèrtas da la fin de març al començament de novembre.