Oras de chamin: 6,30
Deslivèl a la montaa: 1200
Deslivèl a la valaa: 1050

Lo chamin

Se laissa lo centre istòric de Sisteron en percorrent vèrs l’oest la Rue Droite, puei Rue de Provence e Avenue Jean Moulin, que mena ai pè dal Bois du Molard. Se seguís lo viòl botànic equipat de tabèlas explicativas, que monta a vir al réfuge du Molard e a un mirador sus las Alps. Lo percors contúnia encara sal crest panoràmic sia sus la valada de la Durança que sus la valada dal Jabron, dins la forèsta de rores qu’emman’èla la dorsala càrsica. S’entreveon de cultivacions de pomiers e de lavanda. Passaa la Fontaine lo païsatge deven mai salvatge, embe de calancas e de boscalhas de rores. Embe un percors a mesa còsta, se poa enfin al vilatge abandonat de Les Vieux Noyers (900 m). Se contúnia sal GR en tochant la solitària e suggestiva chapèla de St-Claude (920 m), dataa 1661 e rebastia ental 1738. Es titolaa a l’archivesco de Briançon: putòst despulhaa, es a navada única embe de vòutas rebaissaas e un belíssim cubèrt (restaurat de recent) de lausas. En passat es estaa adobraa bèla coma estable. Da la chapèla butaa sus un colet, se cala per a pauc près 1 km e s’arriba sus una via asfaltaa que se seguís fins a las maisons espanteaas de Saint Martin. Al fons de l’abitat, a Bourdounet (871 m), la via deven esterra e én la seguís embe qualquas escorchas. A la forcha a 1051 m se seguís a manchina lo GR Tour de la Montagne de Lure, que cala al fons de la valada e al vilatge de Sant Vincent sus Jabron, al lòng de la rota D946.

Minjar e durmir

Divèrsas solucions a Sisteron, ental centre istòric:

Office de Tourisme Hôtel de Ville, place de la République 1, tel. +33 (0)4 92613650, www.sisteron.fr

Hotel restaurant La Citadelle
Rue Saunerie 126, tel. +33 (0)4 92611352, www.hotel-lacitadelle.com

A Sant Vincent sus Jabron

Gîte d’étape la ribière
tel. 04 92 62 02 15-51