Oras de chamin: 5,30
Deslivèl a la montaa: 1150 m
Deslivèl a la valaa: 1000 m

Lo chamin

Dal vilatge se contúnia a la valaa sus la rota D 900a al lòng dal torrent Bès, per vòutar a drecha a la premiera forcha dins l’estrecha valada dal riu Descoure. Lo viòl al fons de la valada es intercalat da las indicacions dal percors geològic, que menon a conóisser lhi fenomens extraordinaris visibles sus las parets rochassuas (tresplombantas, estratificaas e a jasença verticala). Se tocha la ruaa abandonaa de Vaux (1234 m) e se monta al som de la valada vèrs lo còl de Clapouse (1692 m), entre se tròba un alpatge frequentat da de tropèls de feas. Dal còl se pren lo crest resut chap al sud, en seguent las marcas dal GR 6 Tour des Monges, que menon dins gaire al còl de la Croix de Veyre (1886 m). Dal còl én se mostra a la valada de la Durança e a la Provença, la vegetacion es já mediterrana e las tipologias edilícias d’aüra enlai luenhas dai modèls alpins. Lo chamin contúnia dins la forèsta demaniala dal Vanson, ai pè de la cima di Monges (2115 m), e emboca una dralha, que se seguís fins al croseament a 1422 m. Aquí se quita lo GR 6 e se poa a la ruaa a meitat abandonaa de Feissal (1430 m), embe de maisons en peira calcària e de cubèrts en cops (un, interessant, garda un’àbsida e de grands blòcs de peira angulars). Da la ruaa se monta per un viòl vèrs lo còl de la Croix de la Tatte ( 1561 m), puei embe un percors a mesa còsta, puei de cresta sus la Crete de Pierre-Mont, se tocha lo còl a 1448 m, d’ente se cala vèrs la pista al fons dal valon de la Ravine de la Bastié. Enfin se cala al vilatge d’Auton (1146 m).

Minjar e durmir

Aval dal vilatge d’Auton, dins una nòva zòna residenciala:

Gîte des Monges
tel. +33 (0)4 92626050