Oras de chamin: 6,30
Deslivèl a la montaa: 1150 m
Deslivèl a la valaa: 1400 m

Lo chamin

Dal marge occidental de l’abitat un viòl davala a la carrossabla que cor al sud dal país. Se vai anant un toquet en direccion nòrd-oest, per virar puei a manchina sus la via asfaltaa per Haut Chardavon (1140 m), en atraversant parelh tota la plana de La Blanche. La pichòta ruaa de can¡mpanha a una gleisa e d’edificis embe de tradicionals cubèrts a escalhas de mons, sovent remplaçats embe de tòla per la dificultat de trobar aquel material. Da la ruaa d’abòrd se contúnia vèrs l’oest sus una pista forestala, per puei plegar bruscament a sud e rejónher lo Plateau d’Iroire, un vast planòl adobrat per la pastura. Se contúnia sal percors putòst tortuós dal PR (promenade randonnée), que tocha lhi alps de Lauzerot (1696 m), las roïnas di Garnier (1692 ) e la Cabane de Gau ( 1728 ). La zòna es richa de tropèls e de màndrias, organizats en gròs parcs. Da notar lhi versants despulhats de la Montanha de Val Haut, reats da de calancas dins las marnas grisas. Aval de la Cabana de Gau se tròba lo GR Tour de Monges, que se seguís dins la lonja valaa vèrs lo fons de valada dal Bès, tota dins lo bòsc de la Pinèe. Arribats a la via asfaltaa (D 7), se quita d’abòrd per contuniar a mesa còsta, amont de la rota, sus un viòl panoràmic sus las gòrjas de la Verdache e sus lhi meandres que descriu lo torrent. Se tròba mai l’asfalt (D 900A) 1,5 km assús de Barles (985 m).

Minjar e durmir

A Barles, sus la rota provinciala qu’atravèrsa lo país:

Bar – Hotel restaurant Mr e Mme Amielh
tel. +33 (0)4 92350552