Oras de chamin: 6
Deslivèl a la montaa: 1250 m
Deslivèl a la valaa:1550 m

Lo chamin

Da l’Abaïa de Lavèrc una pista marcaa coma GR 6 mena a la ruaa de Las Clarionds (1450 m), encara abitaa. Aquí se tròba un’azienda agrícola (enlevatge de chabras e produccion de fromatges) que gestís l’ostal de tapa de l’Abaïa de Lavèrc. Se cala al lòng d’la via asfaltaa al fons de la valada, que mena a Sant Bartelèmi (1238 m), un’autra ruaa rurala entornaa de prats encenchats. Lo GR 6 contúnia vèrs lo còl de Bernardez (2304 m), sus la montanha de la Montagne de La Blanche. L’ambient es espectacular: a la tèsta dal valon se duèrb lo circ glacial, dins un ambient calcari. S’afronta la calaa dal còl sus una penta drecha embe un viòl que talha de lòngs travèrs dins un bòsc de mèuses, ente se tròba decò lo pin oncinat. Se rejonh, dins un contèxt rural pro intègre, la ruaa de Sant Pons (1361 m), entornaa de prats clausurats; puei, embe un trocet de chamin sus la via D607, lo vilatge de Sèina (1260). Durant la valaa es de bèl veire d’aliants quevòlon. En efèct Sèina, situaa dins la valada de La Blanche, es dotaa d’un champ de vòl a vela ben apreciat.

Minjar e durmir

A Sèina,

Gîte d’étape norella
tel. +33 (04) 923227200, cell. 06 07404493; france-norella@wanadoo.fr  loc. Greyère Basse, a environ 2 km a sud dal país

Ben de possibilitats a Sèina: Office de Tourisme, Place d’Armes, tel. +33 (0)492351100