Oras de chamin: 4
Deslivèl a la montaa: 600 m
Deslivèl a la valaa: 1250 m

Lo chamin

Se contúnia sal Gr 56, en seguent lo crest sus la Tete de Vescal (2515 m), panoràmic sus divèrsas cimas significativas de la zòna. A l’est se veon lo Grand Cheval de Bois (2838M) e lo Petit Cheval de Bois (2754 m), lo Chapeau du Gendarme (2561 m) e lo Pain de Sucre (2560 m). A l’oest las ponchas calcàrias de la Granda Seolana (2909 m). Al nòrd la vist embraça Barceloneta e la Valada de l’Ubàia, al sud lhi emplants d’esquí de La Foux d’Allos, a la tèsta de la valada dal Verdon. Lo viòl tocha en succession lo còl de la Sestrière (2461 m) e la Tete de la Sestrière (2575 m). Puei cala a mesa còsta, embe l’atraversament de gòrjas equipaas de còrdas fixas, a la tèsta dal valon dal riu Blanche de Laverq, en correspondença de l’àrea equipaa de Plan Bas (1839 m). Se contúnia al fons de la valada, derant per un viòl, après sus una dralha, fins a l’Abaïa de Lavèrc (1550 m). Chal èsser autosufisents per la cina.

Minjar e durmir

Refuge de laverq 
Un pichòt e suggestiu regugi ren gardat, se tròba dins una maison tradicionala de la ruaa tel. +33 (0)4 92855817, (0)4 94614665 claus e garda de l’ostal de tapa son afidats a l’empresa agrícola de Les Clarionds, tel. +33 (0)4 92855367).