Oras de chamin: 4
Deslivèl a la montaa: 500 m
Deslivèl a la valaa:1300 m

Lo Chamin

Se torna al còl de la Caiòla e se monta a l’oest vèrs lo còl de la Pichòta Caiòla (2639 m), dins un ambient alpin de granda beltat: lacs glacials e torbieras acuelhon tard dins l’istat d’espectacularas floriduras de plumets (Euriophum angustifolium). Passat lo còl, se costeja lo lac de la Pichòta Caiòla (2588 m) per puei davalar ripidament dins una graviera dins lo Ravin de Méouille. Bòna possibilitat d’avistar de fauna salvatja (boquestans, chamós, murets). Se laissa lo GR (quòta 2259 m) per seguir lo viòl a manchina, qu’embe un percors a mesa còsta mena al lac d’Alòs (2228 m). Se torna prene lo chamin en sobrant lo còl a l’autessa de 2269 m, puei se pren lo viòl que, en ponchant a nòrd, se rejonh al percors dal GR. S’arriba sus la rota asfaltaa al Plateau du Laus (2127 m), ente se tròba un ponch informacions dal parc nacional dal Mercantor. Se contúnia a seguír lo GR 56 B, qu’atravèrsa las forèstas demanialas de l’Haut Verdon (Foret de la Cluite) fins al vilatge d’Alòs (1414 m), jòli borg istòric al fons de la valada dal riu Verdon, entornat da las recentas edificacions de l’estacion d’esquí de Super Allos.

Minjar e durmir

A Alòs, environ 500 m a nòrd dal centre istòric:

Gîte d’étape l’Autapiele Pradas,
tel. +33 (0)4 92830631, www.lautapie.com