Lo Parc National des Cévennes s’estend sus un territòri a bassíssima densitat abitativa (a pauc près 10 abitants per km²), subjèct depuei la Premiera Guèrra Mondiala a un exòde massís de la populacion, masque da ans ’90 en lenta represa. Lhi ambients naturals que presenta son ben variats: las autas Cevènas, darrier contrafòrt dal Massís Central, son caracterizaas da d’afloraments de granits pauc erodibles. Per còntra las bassas valadas son formaas da scistes pus tenres e da valadas chavaa e estrechas. La forèsta es en creissua constanta e ve una fòrta presença dal chastanhier, encara cultivat per la produccion de marrons. Ental 1985 las cevènas son estaas declaraas Resèrva Mondiala de la Biosfèra de l’UNESCO.