Lo Vigan es lo principal centre des Cevènas meridionalas, ai bòrds dal massís dal Mont Aigoal. Poplat fins da l’antiquitat (III sècle av.C.), dins l’Atge Mesan foguet un’importanta fondacion benedectina, dotaa de vastas proprietaas fondiàrias. La comunitat aderiet a la Reforma e aquò lhi valguet 200 ans de guèrras de religion. Lo país garda un centre istòric ric d’edificis de valor dal sècle XVIII, quora visquet un periode de prosperitat embe l’indústria téxila e en particular la sericultura: encara encuei existon d’importantas fàbricas de chauciers. Da visitar lo pònt romànic sus l’Arre (sècle XII e lo quartier sus la riba drecha de Le Buscailhou: lo Musée Cévenol, pas ben luenh, dedins una vielha filanda; la Promenade des Chataigniers, un’antica zòna dal marchat medieval transformaa en promenada ental sècle XVIII, embe de chastanhiers seculars.