La Cobertoirada es un antic chastèl di Templars, encara encenchat de muralhas e de tors. Avem de notícias de la “Cubertoirata” depuei lo sècle X, coma pertinença de l’abaïa de Gellone. Era un’estacion de pòsta al lòng d’una dralha de transumança dal Lengadòc La presença se pasturas, tèrras cultivablas e aiga lo rendia un site ideal per un insediament. Suprimut ental 1312 l’òrdre di Templars, lo chastèl passet a lhi Ospitaliers de Sant Joan de Gerusalem, puei Cavaliers de malta. Durant la guèrra di Cent Ans, entre lo 1439 e lo 1442 l’insediament foguet munit de muralhas e tors. Encuei La Cobertoirada es un borg a granda vocacion torística per la beltat de son ensem. Se vísiton la gleisa dal XII-XIV sècle, en part chavaa dins la ròcha, près de la quala se tròba una granda cistèrna soterrana, font d’aprovisionament ídric per la comunitat. Lo cementieri es de particular interès per las nombrosas lausas medievalas, totas refigurantas una crotz grèca variadament decoraa, inscricha dins un disc solar orientat a l’est. Lo chastèl dal sècle XII, en part reduch a una roïna, es una proprietat privaa.