Lo país es pichòt e graciós, ric de pichòts jardins florits: divèrs nucles de maisons espanteaas fondon lor richessa sal torisme liat a la pescha e a la balneacion dins lhi diferents envasament e lacs de la zòna.Decò aicí es importanta la presença de testimonianças arqueològicas dal Neolític. Pas ben l’uenh dal país (1 km), a Prat d’Alaric, se tròba un bèl exèmple d’arquitectura rurala típica de l’aut Lengadòc. Se tracta de dui edificis un temp destinats a estable e fenil, embe lo cubèrt de palha de genèsta. Son estats recentaments restaurats dins lo quadre di projècts dal Parc Naturel Régional du Haut-Languedoc, creat ental 1972 e estendut sus un territòri de 260.000 ectars (dont 170.000 de forèsta) sal contrafòrt meridional dal Massís Central. Tutèla un territòri colinar e de mesa montanha, sus l’aigavèrs entre Mediterrani e Atlàntic, significatiu per sa richessa de biodiversitat.