A Sèina se vísita la gleisade Nòtre dame de Nazareth, en estil romànc provençal (sècle XII-XIII) enblòcs de peira a vista. A navada única, a dui bèls portals a cintre agut, un surmontat da un roson, sus la façada a cabana. Amont dal país se tròba lo fòrt Vauban, que pren lo nom da son projèctista, Sébastien le Prestre de Vauban (1633-1707), engenhier militar al servici de Loís XIV. Lo fòrt de Sèina, recentement restaurat e destinat a espaci expositiu e cultural, fai part d’un malhum de fortificacions projectaas da Vauban al lòng de tota la frontiera dal Rènhe de França, enscrichas dins la lista dal Patrimòni de l’UNESCO.