Montbrun es un borg medieval naissut a la confluença di dui torrents Anary e Toulorenc. Es classificat entre lhi 100 borgs pus bèls de França. Lo viltage se tròba ai pè des roïnas dal chastèl di Dupuy-Montbrun e es alinhat al lòng de la Place du beffroi e las vias Bougade e de Notre-Dame. Lo centre dal vilatge es la tor merlaa (beffroi) embe de colaors e un passatge voutat a cintre agut. Sus la placeta se tròba decò la fonteta-lavaor monumentala. La gleisa de Notre-Dame es citaa ental 1308 coma priorat benedectin dependentda l’abaïa de Villeneuve-les-Avignon. Foguet destrucha durant las guèrras de religion perqué transformaa dins un temple protestant. La presença protestanta foguet fòrta en aquesta region, que derant encara avia seguit l’eresia valdesa. La gleisa, bastia ental sècle XVII, garda un retable dal XVII-XVIII sècle. Tuchi lhi sandes matin a Montbrun se ten lo marchat provençal. Las aigas sulfurosas de las tèrmas son conoissuas depuei lo sècle XVI. Encuei lo país es equipat d’un modèrn centre-benèsser.